MAADHIMISHO YA SIKU YA KIFUA KIKUU YALIVYOFANYIKA PANGANI KIMKOA!

Mh. Mkuu wa mkoa wa Tanga Major General (Retired) Saidi Saidi Kalembo akifungua maadhimisho ya siku ya kifua kikuu duniani ambapo katika mkoa wa Tanga yalifanyika wilayani Pangani siku ya jana. Kauli mbiu ilikuwa ni TUTUMIE MBINU MPYA KUONGEZA KASI YA MAPAMBANO DHIDI YA KIFUA KIKUU.

Mkuu wa mkoa akikaribishwa na mkuu wa wilaya ya Pangani Bi Zipora Pangani.

Mkuu wa mkoa Saidi Saidi Kalembo akiwa anatoka jukwaani mara baada ya kutoa hotuba.

Mkuu wa wilaya ya Pangani Bi Zipora Pangani akisema neno kabla ya kumkaribisha mkuu wa mkoa.
Viti vikipangwa vyema kwa ajili ya wageni waalikwa.

Kazi ikaanza kama hivi. Hao ni wapiga ngoma wa kikundi cha Atomic kutokea wilaya ya Pangani kata ya Bushiri, wakitoa burudani.

Kisha wakaingia wacheza ngoma. Ngoma za asili ndio zilikuwa kitovu cha burudani. Atomic Group wakisakata ngoma.

Bi Zipora ambaye ni mkuu wa wilaya, alishindwa kuvumilia. Akaingia kutunza.

Hapa ilikuwa juu kwa juu.
Wakatoka, nikajua kazi imeisha. Kumbe walikwenda kuchukua vibatari vya moto. Tazama mambo hayo- huyo dada wa mbele alitia fora!

Kiongozi wa ngoma hiyo ya asili akiongoza jahazi. Shamrashamra hizi zilifanyika kwenye uwanja mkuu wa stendi ya mabasi yaendayo Tanga.

Mkuu wa mkoa akisema jambo.

Mkuu wa mkoa na wenyeji wake.

Wa kwanza ni mbunge wa Pangani Mh Rished, mkuu wa wilaya, mkuu wa mkoa, mwenyekiti wa CCM wilaya ya Pangani pamoja na katibu wake kule mwisho.

Mh Rished mbunge wa Pangani.
Wananchi walijitokeza kuja kusikiliza ujumbe wa siku ya kifua kikuu duniani.

Shaabani Kizamba ambaye alikiwa Mc pamoja na kiongozi wake Bwana Semnangwa, ambaye ni afisa utamaduni wa wilaya ya Pangani.

Kizamba akiwajibika wakati shughuli zikiendelea.

Wanachini wajaribu kukwepa camera ya VIJIMAMBO VYA TANGA , haya tena jamani.

MASOMO YAMPUMZISHA KEISHA JUKWAANI!

Hofu ya kudunda (kufanya vibaya) kwenye pepa yake ya kidato cha sita imemfanya msanii wa muziki wa kizazi kipya nchini na mwanachama wa Tip Top Connection, Khadija Shaban ‘Keysha’ kuweka kando kidogo masuala ya muziki.

Msanii huyo bora wa kike katika tuzo za muziki za Kili, ni mwanafunzi wa Shule ya kimataifa ya Cambridge, akichukua masomo ya Historia, Jiografia na Lugha (HGL), anatarajiwa kufanya mtihani wake wa mwisho Juni mwaka huu.

Akilonga kwa njia ya simu katika kuhusiana na kutoonekana kwake kwenye majukwaa ya muziki, Keysha alisema kunatokana na kutingwa na masomo na hasa ikizingatiwa amebakiza miezi michache kabla ya kufanya mitihani yake ya mwisho.


“Nimetingwa sana na masuala ya kitabu, hivyo imenibidi niweke muziki pembeni, si unajua mshika mawili...hivyo mashabiki wangu wasihofu, nitakapomaliza mitihani nitaingia jukwaani kama kawaida,” alisema.

Keysha ambaye amejipatia umaarufu mkubwa tangu ajitose kwenye ulingo wa muziki wa kizazi kipya, ambako nyimbo alizotoa zimeweza kufanya vizuri, huku tayari akiwa ameishatoa albamu mbili, ‘Usinitenge’ na ‘Keysha’.

MIKOANI TUNAVYOKUJA KASI KWENYE ANGA ZA BLOG!

Tazama blog ya Mtwara na ujue mambo yote yanayotokea mkoani humo. http://www.mtwaraleo.blogspot.com/ au bonyeza hapa kutembelea blog hiyo.

KIVUKO KIPYA CHA PANGANI LEO MCHANA WAKATI KINAPIGA 'MISELE'

Nilisikia kinafunguliwa mwezi huu wa tatu jamani.
Tunakisubiri kwa hamu.

TIP TOP MZIGONI KWA ALBAMU YA PAMOJA!

Kundi la Tip Top Organization, lipo mbioni kuingia studio kwa ajili ya kufanya wimbo wa pamoja ambao hapo baadae utaingia kwenye albamu yao moja itakayowashirikisha wasanii wote wa kundi hilo.

Meneja wa kundi hilo Hamisi Tale a.k.a Babu Tale amesema kuwa, ameamua kufanya hivyo ili kuonyesha upendo wa kutosha kwa wasanii wake ili mashabiki wa wajue kuwa wana upendo wa kutosha katika kukuza sanaa ya muziki wa Bongo Flava.

Pamoja na kundi hilo kusifika kwa kuibua vipaji kila kukicha lakini, meneja huyo amedai kuwa wimbo pamoja na albamu hiyo itawashirikisha wale wasanii wenye majina makubwa ambao wanatokea kundi hilo lenye maskani yake jijini Dar.

Wasanii ambao watakuwapo kwenye albamu hiyo ni Madee, Keisher, Tunda Man pamoja na Kassim. Kundi hilo linatarajiwa kukutana siku ya leo kwa ajili ya maandalizi ya albamu hiyo na kujua ni siku gani wataingia studio kwa ajili ya kurekodi wimbo wa kwanza. Baadhi ya nyimbo zinatarajiwa kufanyika katika studio za Mj Record na nyengine zitahanyika studio tofauti tofauti, alimalizia kusema Babu Tale.

MITAA YA TANGA TOWN LEO MCHANA!

Maeneo ya Tanga town, hapa ni karibu ya ofisi za ttcl pamoja na Darworth.

Benki ya Baclays Tanga City, pembeni ni benki ya Exim. Hapa ni karibu na Bandari House.

Upande wa kulia ni ofisi za Bima, na hii barabara inaelekea hadi ofosi za Halmashauri.

Huku ni maeneo ya Chuda, ila hii barabara inakwenda hadi barabara ya nane karibu na kiwanja cha Tangamano.

Hapa ni karibu ya Tanesco. Makutano ya magari yote yanayobeba abiria wanaokwenda Raskazone baharini.

WASANII WENGI WA BONGO FLAVA NI MAJUNGU- Q CHILLAH!

Mwanamuziki mwenye vituko kwenye muziki wa Bongo Fleva Athuman Shaaban Katwila a.k.a Q Chilla ameibuka na kutangaza hata siku moja hatataka urafiki tena na wanamuziki wa kibongo.

Q Chilla aliyasema hayo wakati akihojiwa na kituo kimoja cha Radio nchini kwa kuulizwa yeye kumtuhumu T.I.D kuwa anamroga hivyo kushindwa kufanya kazi zake vizuri, habari ambazo ziliripotiwa na vyombo vya habari siku za nyuma.

“Mi nasema sitaki urafiki na mwanamuziki hawa wanaoimba imba kwasababu wengi wao wana majungu na ni wanafiki, wamekaa kimbea mbea tu” alisema Q Chillah bila kufafanua anamlenga nani zaidi.

Hivi siku za karibuni kumekuwa na habari za kutokuelewana baina ya wawili hao ambao walikuwa wakiunda Band moja. Haya wadau wa muziki wa Bongo Flava- kwa mtindo huu tutafka kweli..?

ROMA ATAJWA TUZO ZA TEEN EXTRA AWARD 2010!

Msanii kutoka Tanga City Rymes Of Magic Attraction (ROMA) ametajwa kwenye tuzo za Teen Extra Awards 2010 zinazoendeshwa na kituo cha redio Clouds Fm cha jijini Dar Es Salaam.

Roma ametajwa kwenye category ya 15. Lyricist Of The Year ambapo anachuana na wasanii wengine kama Fid Q, Niki Wa Pili, Ngwea, Joh Makini, Jay Moh na G Nako.

I know Tanga tunaweza na ROMA ndie msanii pekee anayestahili kuwa Lyricist wa mwaka kutokana na tungo za ukweli zinazopatikana kwenye ngoma zake zote!

Unachotakiwa kufanya ni kufungua hii website http://www.nipe5.com Utakapoifungua angalia mkono wako wa kushoto kuna sehemu imeandikwa Teen Extra Award hapo utabonyeza kwa ajili ya kuona washiriki wote halafu utaingia kipengele cha 15. Lyricist Of The Year na hapo utabonyeza jina la ROMA.

Make it happen kama wewe ni fan wa ukweli wa ROMA kutokea Tanga City! Kumpigia kura Roma bonyeza hapa

SALAMU KUTOKA DUBAI!!

Anaitwa Abdul Kitauro Swalehe ni mtanzania anayetokea jijini Tanga ambaye kwa sasa yupo United Arab Emirates huko Dubai akisaka mahela

Anawasabahi watanga wenzake ambao walikuwa maskani moja pale pande za Toss karibu na kituo cha sigara...akina Khaledee na wengine kibao.

MAZINGAOMBWE YALIVYOTAWALA UWANJA WA TANGAMANO JIJINI TANGA!

Ilianza hivi, kama utani vile pale uwanja wa Tangamano jijini Tanga. Huyu dada aliambiwa ashike hayo makaratasi yaliyozungushwa na mtu wa mazingaombwe.

Hapa mtu wa mazingaombwe akichanganya madawa yake.

Kilichotokea hapo ni vibiriti, alizirusha na kila mtu akawa anagombania

Mtaalamu wa mazingaombwe akizidi kurusha vibiriti. Duh ili kuwa balaa, nilijaribu kuwasha kweli moto ukatokea wadau.

Hapa ndio ikaja kuwa balaa, huyu mtoto alilishwa makaratasi karibu gazeti tatu. Mazingaombwe bwana mmh!!

Tazama mtoto wa watu alivyoshindiliwa makaratasi!! Hayo yaliyotokeza hapo nje ilikuwa ni kama robo tu, mengi alimeza.

Amini usiamini mdau..zilitoa pipi kibao! Tazama watu wanavyogombania.

Mtaalamu wa mazingaombwe akirusha pipi kwa watu. Zilikuwa pipi kweli jamani, lakini ndio mazingaombwe hayo.

Ilikuwa vurugu tupu uwanja wote wa Tangamano, watu walikuwa wakigombania pipi kama unavyoona hapo- wakubwa kwa watoto!

Hahaha..ilinifurahisha sana hii! Jamaa ambaye ni mtaalamu wa mazingaombwe alikuwa akifukuzwa huku na huko kwa ajili ya pipi alizokuwa akizirusha. Hii ndio Tanga jamani!