MAKAMUZI KWANZA, MAMBO MENGINE BAADAE- ASEMA BLUE

Baada ya kutamba na single zake za ‘Tabasamu’ na ile inayotamba
kwasasa ‘Tupo pamoja’ Dogo mwenye uwezo mkubwa wa kuishi kistaa,
Heri Samir ‘Blu’ amesema kuwa hivi sasa akizungumzia ishu ya shule
atakuwa anadanganya kwa sababu haipo kwenye programu yake.

Blu, staa wa Bongo Flava asiyefunikika, alisema kupitia kipindi
kimoja cha kinachorushwa na Radio moja Tanzania kuwa ana mambo mengi yanayomkip busy lakini ishu ya elimu haipo kwenye ratiba yake.

Dogo huyo ambaye anajulikana pia kwa jina la Kabayser, alizungumza
hivyo kama jibu la swali aliloulizwa na presenta wa kipindi hicho.

Mbali na ishu ya elimu, Blu alisema kuwa sasa hivi hayupo kwenye
mikakati ya albamu, isipokuwa atakachokuwa anakifanya ni kudondosha
singo kali kila mara ili kuwapa raha mashabiki wake.

Aidha, Blu alimpa shavu Dogo Hamidu a.k.a Nyandu Tozz kuwa ndiye
mtu aliyempeleka studio kwa mara ya kwanza, MJ Record ambapo
alifanya singo yake ya kwanza inayoitwa Kwa Mama.